صوره بهتانه

برغم الصوره بهتانه
وشكلك فيها مش باين
لكن فى عنيك لقيت نظره
مابينها الحزن كان باين

         كريم كستن
من رسومات الفنان وليد طاهر

مسحراتى الثوره

مسحراتى

على أهل حيى

دايماً ليلاتى

بنده وأحيى

أجمل تحيه

لأهل بلدى

ياورد بلدى

طالعلو ريحه

حلوه ومريحه

بتقولى ثوره

من بعد ثوره

راجعلنا تانى

لسه الأمانى

فيكى يا بلدى

مصبرانى

. . كريم كستن . .

إمرأه منسيه

أصبحتى اليوم على القمه

وكأنك نجمةٌ ماسيه

واهمةً أنك من دونى

إمرأةُ الكتبِ الشعريه

ناكرةٌ أنك من قبلى

ماكنتى إمرأةً

ماكنتى إلا بقايا غجريه

فأزلتُ أنا من فوقكِ

كل الطبقاتِ الصخريه

وأزلت آثار الأتربةِ

أزلت آثار الهمجيه

ونثرتُ بذوركِ فى غاباتى السحريه

أخرجتُ شَعركِ سيدتى من عقدتهِ النفسيه

وتركتهُ يرقصُ وسطَ الريح

كى يعرف معنى الحريه

وصنعتُ لصوتكِ أوتاراً

كى يصبحُ صوتَكِ أغنيه

وطليتُ شفاهكِ ببهارٍ

لتصيرَ شفاهاً ناريه

والآنَ تُريدينى عبداً

عُذراً أيتها الغجريه

فأنا من صَنَعَكِ

وبدونى . .

أصبحتى إمرأةً منسيه


. . كريم كستن . .

معنى الغرام

إيه يعنى معنى الغرام

إحساس مهوش مفهوم

كلام وحيره وهيام

وتعب وقلة نوم

بيقولوا لازم يصيبك

مكتوب ولو مكتوم

حتى لو صادفه حيره

ومزله لو بالكوم

تكفى نظرة حبيبك

تنسى كل الهموم

سهم ف قلبك يصيبك

يسرى كما الحلزون

قلبك يقعد يدقدق

بلحن زى الهون

تقعد تبعت رسايل

بالليل على التليفون

طبعا غير الهديا

دباديب بألفين لون

غير دبلة الخطوبه

والعفش والتليفزيون

والدش والإيركوندشن

وبوتوجاز بأربع عيون

تصبح تلاقى نفسك

مديون أو مسجون

والخيبه لو كان حبيبك

لا يعرف من تكون

ساعتها تقلع هدومك

وعقلك يصيبه جنون

وتركب قطر بنها

تنزل على الفيوم

تسكر وتشرب بيره

وجايز كمان افيون

تمشى مسطول متطوح

وتنجر عل الكراكون

وساعتها تاكل طريحه

تورم كما البلون

وتصرخ تقول يا ليلى

ردى أنا المجنون

والقلب يملاه كآبه

والدمع يملى الجفون

وآدى حال كل عاشق

كان بالهوى مفتون

وأخيرا أحمد ربى

عشان عقلى موزون

والحب ناسى طريقى

من مولدى لليوم

...كريم كستن...

إعرف نفسك

عايز تعرف نفسك صح

إدخل جوا مراية قلبك
فتح عينك .. بص وشوف
حاول مره تواجه نفسك
وإكسر حاجز اسمه الخوف
عرى حقيقتك وإوعى تدارى
جواك حاجه ماتكشفهاش
زيفك .. صدقك
حتى سازجتك
ماتسيب حاجه ماتهرفهاش
نفسك زى جراب الحاوى
فيها الصدق وفيها بلاوى
بس جراب الحاوى مخاوى
حاجه الحاوى مايعرفهاش ؟؟!!

كراتين ورق

عمل الخير

قالولى اعمل خير تدخل الجنه

وبالنعيم والهنا تنعم وتتهنى

وأنا ابن آدم ما يملى عينى غير التراب

ما آدم عشان تفاحه خرج من الجنه

..... كريم كستن .....